Si P/Supt. Herman Lungayan sa Cebu Provincial Police Office (CPPO) inabagan sa kapolisan sa dakbayan sa Talisay armado sa Search Warrant nga giisyo ni Hon. Judge Fortunato de Gracia Jr. sa Regional Trial Court Branch 15 sa dakbayan sa Sugbo maoy mironda sa balay ni Boy Vega alyas "Boy kimpang".
Nakuha sa kapolisan diha sa panimalay ni Vega mao ang duha ka dagkong plastic nga gituohang ang sulod shabu, usa ka 22 magnum dunay dose ka buhing mga bala, laing buhing bala sa 38, duha ka handle sa .45 pistol, ug laing duha ka kabhang niini, duha ka syringe, 170 dolyares, kuwarta nga P62,000, duha ka hunting knife, ug mga drug paraphernalia.
Si Vega dugay nang gipanid-an sa kapolisan sa iyang kalihokan kabahin sa pagpayuhot og ginadiling drugas sa maong lugar, hinungdan nga naninguha ang kapolisan nga malutsan kini og search warrant aron mapahigayon ang pagsikop sa maong suspek.