Cellphone kuwarta gikuha sa GRO

Usa ka lalaki mireklamo sa kapolisan human kini gikawatan sa GRO nga iyang gidala sa iyang panimalay human maglingawlingaw sa karaokehan.

Si Coli Legno, 47, taga Alang-Alang, Mandaue misumbong sa kapolisan tungod sa pagkahanaw sa iyang Nokia 7610 nga nagkantidad og P15 mil ug wala matinong kantidad sa salapi.

Gipasanginlan ni Legno ang GRO sa karaoke bar sa Highway Seno nga iyang gidala sa iyang giabangang panimalay nga maoy nagkuha sa maong mga butang.

Si Legno miasoy sa kapolisan sa Mandaue nga nagduda siyang gipanguha sa babaye ang maong mga butang sa dihang nahinanok siya sa pagkatulog.

Nahibulong si Legno nga sa dihang nahigmata na siya, wala na diha ang babaye ug naapil sa pagkahanaw ang naasoy'ng mga butang .