Warriors o Thunder?
OAKLAND, California – Matapos ilista ang record 73 wins at isang hindi makakalimutang pagbangon sa Game 6 sa Oklahoma City, ang hangarin ng Golden State Warriors na makabalik sa NBA Finals at maidepensa ang kanilang korona ay nakasalalay sa Game 7 kontra sa Thunder.
Sinabi ng Warriors na mababalewala ang kanilang mga nakuhang karangalan at personal accomplishments sa isang special season kung hindi nila makakamit ang back-to-back NBA championship.
Kailangan pa nila ng isang panalo para ma-ging pang-10 koponan na nakabangon mula sa 1-3 postseason deficit.
“I’ve learned that our players are tough, they’re mentally tough,” sabi ni Coach of the Year Steve Kerr noong Linggo kung saan niya binigyan ng day off ang Warriors. “I don’t know if I really learned that. I already knew that. But they’ve firmly confirmed that. It’s been a great comeback. Now we still have to play. We still have another game.”
Gusto lamang ni Kerr na maagaw ng kanyang Warriors ang momentum mula kina Kevin Durant at sa Thunder.
Ngayon ay napasakamay na nila ito para sa decisive game ng Western Conference finals matapos maipanalo ang huling dalawang laro.
Nang manalo ang Warriors sa Game 5 noong Huwebes ay sumigaw si MVP Stephen Curry ng “We ain’t going home!”
“We got a big one last night to stay alive, and now we’ve got some momentum. But it can work in reverse,” wika ni Kerr. “One game changes everything, and we’ve got to come out and play our game and play well to fi-nish the series out.”
Sa kanilang tahanan sa Oracle Arena ay nakatikim lamang ang Warriors ng tatlong kabiguan ngayong season. Ngunit hindi nagkukumpiyansa si Kerr lalo na at kalaban sina Durant, Russell Westbrook at ang mas matangkad na Thunder.
Hangad ng Oklahoma City ang kanilang unang NBA Finals matapos matalo kay LeBron James at sa Miami Heat noong 2012.
Hinihintay ngayon ni James at ng Cavaliers ang mananalo sa pagitan ng Warriors at Thunder para sa 2016 NBA Finals.
“It’s going to be a hard game. If we thought tonight was hard, Game 7’s going to be even tougher,” sabi ni Curry. “Everybody on both sides of the ball is going to leave it all out on the floor. It’s win or go home. So we can’t expect just because we’re at home that we can just show up and win.”
- Latest
