DOLE nagpaalala sa holiday pay

MANILA, Philippines - Kasabay ng selebrasyon ng Araw ng Paggawa kahapon, nagpaalala ang Department of Labor ang Employment sa mga employer kaugnay sa tamang pagpapasahod sa mga manggagawa na papasok sa kanilang mga trabaho sa Mayo 1. Base sa pay rules ng DOLE, kung hindi papasok ang empleyado, makakatanggap pa rin sila ng 100% ng kaniyang bayad para sa isang araw. Kung papasok naman, makakatanggap dapat ito ng 200% na kinikita nito sa isang ordinaryong araw, para sa kaniyang unang 8 oras. Kung overtime naman, dapat umanong makatanggap ng additional na 30% ang empleyado. At sakaling matapat naman sa rest day ng empleyado ang holiday at kinailangan nitong pumasok, dapat itong bayaran ng 200% ng kinikita nito sa isang araw at may additional pang 30%.