Noah nangayo’g pasaylo
CEBU, Philippines - Nangayo og pasaylo ang sentro sa New York Knicks nga si Joakim Noah human mapakyas sa pagpa-drug test nga miresulta sa pagkasuspenso niya og 20 ka duwa nga wa’y bayad.
Dungan niini, si Noah mipasalig nga mobangon siya gikan sa sayop nga iyang nahimo nga wala niya tuyoa.
Si Noah, anak ni French tennis legend Yannick, gipahamtangan og bug-at nga silot sa NBA niadtong Domingo human nagpositibo kini sa usa ka ginadili nga substansiya nga dunay epekto susama sa anabolic steroids.
Nagkanayon si Noah nga wala niya tuoya ang paggamit sa maong matang sa druga nga ginadili sa lagda sa NBA kay wala man siya masayod nga apil diay kini sa gitumar niyang supplement.
Si Noah dunay average nga 5.0 points, 8.8 rebounds ug 2.2 assists sa 46 ka duwa karong season. Wala na siya makaduwa pa human maoperahi ang injury sa iyang tuhod niadtong Pebrero 4. (BANAT NEWS)
- Latest
