Duterte kay Trillanes: Ikaw ang tulisan!

MANILA, Philippines - Tinawag na ‘tulisan’ ni Pangulong Duterte si Sen. Antonio Trillanes IV bilang sagot sa alegasyon nito kaugnay sa sinasabing P2 bilyong account niya sa bangko.

“If Trillanes can prove his allegation that I have amassed 2 billion pesos illegally or if that bank account under my name has a total deposit at one time or even just half a billion, I will resign as President immediately,” wika ni Pangulong Duterte sa kanyang video message kamakalawa ng gabi.

Minaliit pa ng Chief Executive ang ginawang paglulunsad ni Trillanes noon ng Oakwood mutiny sa Makati City na ng dumating ang mga awtoridad ay ‘taas agad ang kamay’ saka sumuko.

“This is actually an old and rehashed issue. I have answered this allegation before I became President. The people have already spoken; they have placed me in the office with 16 million votes. I would advise Trillanes to go to court and file the proper case against me and advise him further to stop opening his mouth when he has nothing to say anyway,” sabi pa ng Pangulo.

“May mutiny-mutiny ka pa, wala ka naman pa lang bayag, tapos taas kaagad ang kamay pagdating ng pulis,” giit pa ni Duterte.

Aniya, hindi naman lingid sa kaalaman sa Senado ang ginagawa ni Trillanes na ginagamit umano ang tanggapan nito para humingi ng mga retainers na kanyang naging ‘lucrative business’ mula ng maupong senador.

Ipinagtanggol din ni Duterte ang kanyang common-law-wife na si Honeylet dahil sa pagiging masikap nito sa negosyo na may doughnut business sa loob ng 18 taon at supplier ng karne ?sa 5 malls sa Davao City.

“Trillanes, alam mo, iyang si Honeylet started her doughnut business 18 years ago. She supplies meat sa five malls dito sa Davao, siya iyong nagsu-supply ng karne ng baboy. Ganyan kalaki ang pera ng babaeng iyan. Matiyaga, hindi kagaya mo ambisyoso. He must also have forgotten that my daughter Sara is a lawyer by profession and that she earns from this and that and she has clients who actually paid for her services and not from illegal retainers which Trillanes is so used to so doing,” wika pa ng Pangulo.

“Kung pamilya mo gutom noon o ngayon, ‘wag mo kaming isali. Hindi kami kasing malas sa pamilya mo. Hindi kami mahirap rin. Tatay ko governor noon, may iniwan sa amin. Ikaw anong naiwan sa iyo? Hangin, pati yabang. Tulisan ka sa totoo lang,” pagtatapos ni Duterte sa kanyang video message.