Ian nasarapan nang gapangin ni iza

Komportable na si Ian Veneracion kay Iza Calzado kaya tinginan na lang nila eh, saktung-sakto na ang galawan nila. Ngayon ay magkasama sila sa horror movie na Ilawod na unang subok ng rom-com at blockbuster director na si Dan Villegas.

“I think, physically, aesthetically, bagay ka­ming tingnan. Pareho kaming matangkad. But I think, more than that, it’s the chemistry because as actors, you’re dissec­ting yourself emotionally eh. For you to do that, you have to trust your co-actor.

“At saka, dahil malaki ang tiwala ko sa kanya at malaki ang tiwala niya sa akin, on a very personal level, who know many things about each other. Kaya na­ming…I mean, pag may eksena, maraming levels na nangyayari sa amin.

“Saka kumbaga sa sayaw, alam mo na ‘yung level ng kasayaw mo. Ang hirap kasi pag…I am very comfortable with Iza. Pag nag-step ako forward, alam niya na agad saluhin and vice versa,” pahayag ni Ian sa grand presscon ng Ilawod. Magka-partner din ngayon ang dalawa sa seryeng A Love to Last.

Sa Ilawod, meron silang sensual na eksena ni Iza. Ginapang daw siya ni Iza habang natutulog.

“Masarap naman! Ha! Ha! Ha!” tugon ni Ian na ikinaloka ni Iza. Pero hindi na raw siya nagpapilit na gawin ‘yon, huh! Mas malala pa raw ‘yung ginawa nila ni Ian sa isang movie.

Mas palaban si Iza. “Conservative ako eh! Ha! Ha! Ha!” sagot naman ng aktor.

Maraming horror movies nang nagawa si Ian mula nang maging bahagi siya ng Seiko Jewels. Pero first time niyang maidirek ni Villegas. Gaya ng ibang cast, bukas din ang isipan niya tungkol sa paranormal.

“Naging matalik kong kaibigan si Roy Alvarez. I took courses with Jaime Licauco. Researches sa iba’t ibang healers, I’ve always been interested.

“As far as imagination, hindi naman siya sa proven, sa akin, what’s important is nakakalawak siya ng mundo. Sa akin nandoon ang importance ng paranormal. Hindi ko masasabi kung naniniwala ako o hindi pero I’m keeping it open because it encourages my imagination,” rason ni Ian.

Sa January 18 na ang simula ng pananakot na gagawin ng Ilawod, ang pababang agos ng tubig, sa mga sinehan.

Teri, Xyriel, at Harvey maraming nakalaban bago nasungkit ang Ilawod

Sa tatlong cast na teen stars ng Ilawod na sina Therese Malvar, Xyriel Manabat at Harvey Bautista, dumaan silang lahat sa auditions ayon kay Atty. Joji Alonso, isa sa producers ng movie.

“Sa kids kami hirap, sa mga bata. Kaya nag-decide kami magpa-audition kasi hindi naman alam kung sino ang i-cast. Kritikal ang tatlong batang ito because the roles are very important. This is an ensemble piece. Hindi ito ‘yung may isang lumalamang.       

“So pag may palpak kang ika-cast doon, magsa-suffer ang buong pelikula. So ang daming pina-audition from both networks. Kami ni Dan and Yvette (writer), ang choice namin kaagad nu’ng nag-audition si Teri (Therese Malvar) for the role of Isla/Ilawod. Mahirap ‘yung role. She could deliver because tingin pa lang niya sa camera, keri na. Hindi lang siya nananakot. May pagka-sensual pero young sensuality ang kailangan niyang i-exude.

“Pagdating sa role ni Bea, we had two options but when we saw the rushes again, we were in agreement, unanimous that it should be Xyriel.

“And then ‘yung pinakamahirap i-cast sa lahat, ‘yung role ni Harvey. It was a toss up between him and another senior actor. But we preferred his freshness, his rawness and ‘yung character niya in real life, parang swak na swak sa character ni Ben sa pelikula. Hindi siya mahihirapan.

“And we thought that would be the perfect person to portray the role. Ganoon siya in real life. May sariling mundo! Ha! Ha! Ha! Sorry, Harvey, huh! He exudes that kind of indifference but in real life, napakabait niya!” katwiran ni Atty. Joji.