Fresnido inangkin ang gold sa World Masters

MANILA, Philippines - Sinimulan ni Danilo Fresnido ang kampanya ng Team Philippines sa pamamagitan ng panalo.

Dinomina ni Fres-nido ang men’s 40-44 javelin throw competition para sa unang gintong medalya ng bansa sa 22nd World Masters Athletics Championships sa Perth, Australia.

Naghagis si Fresni-do, ang kasalukuyang national coach at Philippine record holder, ng distansyang 62.30 metro para talunin ang pito pa niyang karibal sa gold medal.

Pumangalawa kay Fresnido si Finnish Harri Leivonen na naglista ng 54.92m kasunod si Indian Ved Prakash Singh na nagtala ng 52.38m para sa silver at bronze medal, ayon sa pagkakasunod.

Nabigo namang ma-kakuha ng medalya si-na Finnish Sami Salo (50.23m), American E-rick Friedman (48.51m), German Markus Paque (47.85), British Graham Lay (44.74m) at Australian Rene Doel (43.78m).

Noong 2015 edition ng World Masters sa Lyon, France ay nag-uwi ang 44-anyos na si Fresnido ng silver me-dal.

Apat pang tracksters ang magpipilit na ma-duplika ang tagumpay ni Fresnido.

Nakatakdang sumabak sa kani-kanilang mga events sina javelin thrower Erlinda Lavandia, pole vaulter Emerson Obiena, marathoner Lorna Vejano at Olympian long jumper Marestella Torres-Sumang.

Ito ang unang pagka-kataon na lalahok ang 35-anyos na si Torres-Sumang sa world masters event.

Sasabak sa aksyon si Torres-Sumang sa Nob-yembre 5 matapos sina Obiena bukas at Lavandia.