Nadia Montenegro pormal na naghain ng kasong libel vs Annabelle Rama

MANILA, Philippines - Pormal nang nagsampa ng kasong libel sa tanggapan ng Quezon City Prosecutor’s Office (QCPO) ang dating actress na si Nadia Montenegro laban sa talent manager na si Annabelle Rama dahil sa umano’y mapanirang pananalita nito sa isang website na twitter.

Sa kanyang reklamo, sinabi ni Montenegro na nag-tweet si Rama ng mga nakakainsultong pahayag laban sa kanya mula noong October 4 hanggang 20.

Ito na ang pangalawang kaso na isinampa ni Montenegro laban kay Rama matapos na nauna nang nagsampa ito ng kasong falsification of document laban sa huli.

Ang unang reklamo ay nag-ugat sa alegasyon ni Montenegro na si Rama ay nameke ng management contract sa mga anak ng dating actress kung saan niya ito mina-manage.

Nagsampa rin ng kasong child abuse at oral defamation laban kay Rama si Montenegro.