US sinisi ni Digong sa West Phl Sea

MANILA, Philippines -  Sinisi ni Pangulong Duterte ang Estados Unidos dahil pinabayaan lamang nito na magtayo ng mga istraktura ang China sa West Philippine Sea sa nakalipas na 4 o 5 taon na pagbabantay nito sa South China Sea.

Ginawa ng Pangulo ang panininisi na ito sa US sa kanyang mensahe sa national convention ng mga lawyers kamakalawa ng gabi na inorganisa ng Integrated Bar of the Philippines (IBP) sa Pasay City.

“You know, ito ang tanong ko sa inyo, there is the RP-US pact. It is a military alliances and we are supposed to protect each other. At no given time sa Amerika in jeopardy of being at war with anybody. That option was never exercised by the Philippines. When there was… Four years ago, five years ago, there were some overflights made by US, by Australia, other countries and even the satellites. And we were warned by everybody that something was afoot there sa Scarborough. That somebody’s gonna build some sort of a structure. Why in hell ang Amerika siya lang naman talaga ang pwedeng kumasa doon, bakit sabihin niya ngayon magpunta ang Navy ko? It will mean a massacre for my soldiers. I will not do it,” paliwanag ng Pangulo sa mga lawyers.

“Kung gusto mo mauna ka at mag-isip pa ako, baka sasali ako. Why did you not at the first instance pinuntahan ninyo ‘yung mga Instik doon nagta-trabaho, building that structures there and just to tell. Anyway, if you disregard the entitlements then you would still insist it’s an open sea international water. It’s near the mouth of the Indian Ocean going inside China. Bakit hindi mo pinuntahan doon? Bakit hindi mo sinita? Bakit hindi ka nagpadala ng limang aircraft carrier at kinasahan mo? And you had to wait for the problem to ripen into an international issue involving this time so many countries Vietnam, lahat na. You could have cut the problem in the bud had you taken indecisive action. Bakit ngayon sabihin mo you assert, you assert. Tapos sasabihin pa dalhin mo ‘yung… Why don’t you bring your Navy there,” pahayag pa ni Duterte.

Aniya, walang laban ang Pilipinas sa China at ito ang katotohanan kaya huwag na­ting bolahin ang mga sarili natin.

Idinagdag pa ni Duterte, kaya iniabot niya ang kanyang kamay sa China ng maupo na siyang pangulo ng bansa na malugod namang tinanggap ng Chinese government.

“Sabi ko, I come here in peace, I will shake your hand, but there is one thing that you have to realize this early before we start talking and that is, during my term, there will be a time that I will mention to you about the arbitral ruling and we have to talk about it. Sabi ko mag-usap talaga tayo; sabi nila okay,” giit pa ni Duterte kasabay ang pagsasabi na hindi niya isusuko ang anumang parte ng Pilipinas sa China at sa tamang panahon ay igigiit din nito ang naging desisyon ng UN arbitration sa China ukol sa West Philippine Sea.