Bulag ang hustisya

Puro anghang muna saka na ang tamis

pagka’t ang hustisya ay hindi masilip;

nangyaring masaker na napakapait --

gumimbal sa bansa’t sa buong daigdig!

Saan ba naganap ganitong patayan

ang mga biktima’y sibilya’t mediamen?

sila ay maraming nalibing na lamang --

ni walang ataul pagka’t tinabunan

ang nangyaring ito ay lubhang masaklap

at ang masakit pa ay dito naganap;

kaya hanggang ngayon daming naghahanap

ng hustisyang nariyan ay lubhang mailap!