Regine araw-araw kinakantahan at pinatatawa ni Ogie
Sobrang contended as a wife and mother ang Asia’s Songbird na si Regine Velasquez-Alcasid na kanyang ibinahagi sa presscon ng kanilang upcoming pre-Valentine concert at the Mall of Asia Arena sa darating na February 10, 2018 at 8 p.m. na pinamagatang #paMORE. Pinagsasamahan nila ito ng kanyang mister na si Ogie Alcasid, ang Concert King na si Martin Nievera at Prince of Ballad na si Erik Santos mula sa stage direction ni Paolo Valenciano with Raul Mitra as musical director.
Ang press conference ay ginanap sa Quezon 1 Ballroom ng Seda Hotel Vertis North last Monday ng tanghali.
Ayon kay Regine, masuwerte umano siya kay Ogie dahil bukod sa pagiging responsible husband and father nito, sobra umano itong malambing, mabait, thoughtful and sweet. Walang araw na hindi raw siya kinakantahan at pinatatawa nito.
Samantala, kahit parehong busy sa kanilang respective career sina Ogie at Regine, they always make it a point na meron silang oras para sa isa’t isa at sa kanilang anak na si Nate (6) ganundin sa panganay ni Ogie sa una nitong misis na si Michelle van Eimeren na si Leila.
Beauty initsapuwera ni Ellen?!
Firm ang veteran talent manager at entertainment columnist ng dyaryong Pilipino Star NGAYON (PSN) at Pang Masa (PM) na Manay Lolit Solis sa kanyang ibinalita sa January 5 column niya na ikakasal na umano ang controversial pair na sina John Lloyd Cruz at Ellen Adarna.
Inaasahan na magaganap umano ang beach wedding either sa last week of January o ‘di kaya sa unang linggo ng Pebrero 2018. Ayon kay Manay Lolit, very reliable ang kanyang source na malapit sa Kapamilya lovebirds. Pero ang balitang ito ay kinontra ng isa sa malalapit na kaibigan ni Ellen na si Beauty Gonzales during the final presscon ng magtatapos na teleserye ng Dos na Pusong Ligaw. As far as Beauty is concerned ay wala umanong kasal na mangyayari sa ngayon dahil tiyak na malalaman niya kung ito’y totoo. Unless initsapuwera siya ng best friend.
At kung sakaling totoo ang ibinalita ni Manay Lolit sa kanyang column, wala naman sigurong masama. Mas marami pa ang matutuwa dahil magiging legal na ang pagsasama ng much-talked about couple laluna’t malapit na silang magkaanak na hanggang ngayon ay hindi pa rin inaamin ng dalawa publicly.
Erik natitigalgal sa mga idol
Ang maka-share in the same concert stage ang mga hinahangaan niyang music icons na sina Martin Nievera, Regine Velasquez at Ogie Alcasid ay isa nang malaking karangalan para kay Erik Santos.
“Dati, hinahangaan at pinapanood ko lang sila. Ngayon, nakakasama ko na sila sa sa mga shows at concerts. Sobrang nakaka-overwhelm ang pakiramdam,” pag-amin ni Erik during the #paMore presscon sa Seda Hotel.
Nung isang taon ay nakasama si Erik sa Royals concert na ginanap din sa SM MOA Arena nung February 13, 2016 sina Martin, Regine at ang naging rumored girlfriend ni Erik na si Angeline Quinto. This time sa #paMORE minus Angeline.
- Latest