Joanna at Derek, best Actress at Best Actor ng MMFF!
Kahapon lang ipinalabas sa TV5 ang Gabi ng Parangal ng 43rd Metro Manila Film Festival (MMFF).
Sa mga hindi nakapanood, abangan ninyo sa PBO ang replay ng awards night na ginanap noong Miyerkules sa Kia Theatre dahil siguradong ipalalabas sa cable channel ng Viva dahil ito ang produ.
Walang nagprotesta sa mga nanalo dahil pinupuri naman talaga ang acting ni Derek Ramsay sa All of You at ni Joanna Ampil sa Ang Larawan.
Wondering lang ang mga vaklush dahil Best Supporting Actor winner si Edgar Allan Guzman, kahit pang-Best Actor ang acting niya sa Deadma Walking.
Best director si Paul Soriano, ang direktor ng Siargao pero ang Ang Larawan ang Best Picture. At least, madadagdagan na ang audience ng Ang Larawan na ibinalik na raw sa mga sinehan matapos ma-pull out sa pangalawang araw ng Metro Manila Film Festival 2017.
Hindi na nakadalo sa awards night Coco bumagsak ang katawan sa pagod
Hindi nakarating si Coco Martin na binigyan ng Special Jury Prize at recipient ng Fernando Poe, Jr. Memorial Award.
Ang sabi ng producer ng Ang Panday, nakagayak na dumalo si Coco pero iginupo ito ng sobrang pagod.
Tao lang si Coco na tinatablan ng sakit dahil humataw naman talaga siya sa pagpo-promote ng pelikula niya na win din ng Children’s Choice Award.
Baste kinabog si Awra
Si Baste ang nag-iisang representative ng Meant To Beh sa awards night ng MMFF dahil hindi umapir sina Vic Sotto at Dawn Zulueta.
Hindi nabalewala ang pagdalo ng bagets dahil nag-win siya na Best Child Performer. May song-and-dance number pa si Baste dahil kinanta nito ang kanyang walang kamatayan na hit song na Bastelicious.
Hindi nagpatalbog si Awra Briguela na dance-to-death naman ang drama. Ang sabi ng mga nanood ng MMFF awards night, parang pinanood lang nila ang pagsali ni Awra sa gay beauty pageant sa isang eksena ng Ang Panday.
Walo ang official entries sa 43rd Metro Manila Film Festival kaya walo rin ang mga production number dahil may mga representative na nag-perform ang bawat pelikula.
Siargao naghakot ng awards
Para sa mga hindi nakapanood ng 43rd Gabi ng Parangal, heto ang complete list ng mga nanalo.
Best Picture - Ang Larawan
Best Actress - Joanna Ampil, Ang Larawan
Best Actor - Derek Ramsay, All of You
2nd Best Picture - Siargao
3rd Best Picture - All of You
Special Jury Prize - Coco Martin, Ang Panday
Special Jury Prize - Nick Joaquin
People’s Choice Award - Gandarrapiddo: The Revenger Squad
Best Supporting Actress - Jasmine Curtis Smith, Siargao
Best Supporting Actor - EA Guzman, Deadma Walking
Gatpuno Antonio J. Villegas Cultural Award - Ang Larawan
Best Director - Paul Soriano, Siargao
Fernando Poe Jr. Memorial Award - Ang Panday
Children’s Choice Award - Ang Panday
Best Screenplay - All of You
Best Editor - Mark Victor, Siargao
Best Cinematography - Siargao
Best Production Design - Ang Larawan
Best Visual Effects - Ang Panday
Best Musical Score - Ryan Cayabyab, Ang Larawan
Best Original Theme Song - Alon by Hale, Siargao
Best Sound - Siargao
Best Child Performer - Baeby Baste, Meant To Beh
Best Float - Deadma Walking
Best Short Film - Anong Nangyari kay Nicanor Dante
People’s Choice Award (Short Films) - Noel
- Latest