ARH pasabog ang finale!
MANILA, Philippines — Dahil sa pinaghalong action, drama, at comedy, tinutukan at sinubaybayan ng loyal viewers ang pangalawang season ng primetime series na Alyas Robin Hood. Ngayong nasa finale week na ito, mas maiinit at maaaksyong eksena pa ang dapat abangan.
Ayon sa Kapuso Primetime King na si Dingdong Dantes, malaki ang pasasalamat nila sa network dahil nabigyan sila ng second season. “’Yun buong book 2 is really a bonus para sa amin. Hindi rin namin in-expect na magkakaroon ng pangalawa. Para sa amin, grabe na ‘yung pasasalamat namin sa Network dahil binigyan kami ng another chance para maipakita ang istorya ni Pepe.”
Dagdag pa nito, parang pamilya na raw sila sa set at masaya siyang nakatrabaho ang ilan sa pinakamahuhusay na mga aktor sa industriya. Aniya, “Siyempre, higit isang taon ba naman kayong magkakasama at masaya lahat. Tapos nadagdagan pa ng mga kwelang tao, mga bagong cast. ‘Yun ang unforgettable talaga.”
Samantala, parehong ikinagulat nina Pepe (Dingdong) at Emilio (Edu Manzano) ang rebelasyong sila pala ang tunay na mag-ama. Ngayong ligtas na ang plaza, hahabulin ni Pepe ang van na sinasakyan ni Emilio. Sa paghaharap ng dalawa, itutuloy ba ni Emilio ang planong patayin si Pepe kahit na alam na niya ang totoo? Tuluyan na bang mawawala si Pepe kay Venus (Andrea Torres)? At mababawi pa ba ang hustisyang matagal nang ipinaglalaban ni Alyas Robin Hood?
Huwag palampasin ang huling linggo (Nobyembre 20-24) ng Alyas Robin Hood pagkatapos ng Super Ma’am sa GMA Telebabad.
- Latest