Jona maraming natutuhan nang mamatay ang ama

Posibleng maging emosyonal si Jona sa kanyang concert na gaganapin sa Sabado dahil sa kamamatay pa lamang ng ama noong isang buwan. May titulo itong Prima Jona na mangyayari sa Solaire.

“After po noong mangyari sa father ko, iniisip ko sa sarili ko kung kakayanin ko bang kantahin ang mga kantang ito. Baka mamaya umiyak ako at mag-breakdown lang ako roon. I think ‘yun po ang challenge sa akin kung paano ko made-deliver ang performance nang maayos kahit tagos na tagos po ang mga kakantahin ko,” pahayag ni Jona.

May mga bagay daw na natutunan ang singer dahil sa pagpanaw ng ama. “Dapat hindi tayo magsasayang ng oras. Kasi hindi natin alam kung kailan mawawala ang isang tao, kung kailan mawawala ang isang bagay. Minsan sinasabi natin na next time o bukas na lang. Dapat i-practice natin na hindi sa lahat ng bagay laging may next time. Mas i-treasure natin ang ngayon at hanggang maaari ay isipin natin na this is our last chance, our last day,” emosyonal na pagbabahagi ng dalaga.

“Na-appreciate ko rin po ‘yung buhay. Dapat sobrang inaalagaan natin ang health natin. Para saan pa ‘yung nagtatrabaho tayo, nagpapayaman or ginagawa natin para sa wealth natin pero kung health ang magsa-suffer. In general, mas lumalim ‘yung appreciation ko sa buhay, ‘yung patience, ‘yung sacrifices, ‘yon ang na-appreciate at na-realize ko,” dagdag pa niya.

Inigo nagsasa rili na ng desisyon

Hindi na raw pinakikialaman si Inigo Pascual ng amang si Piolo Pascual pagdating sa pagdedesisyon para sa career at pag-ibig. Ayon kay Inigo ay pinababayaan na lamang siya ng ama upang gawin kung ano ang nararapat para sa sarili.

“He just really gives me advice na ‘Don’t do this!’ Parang you don’t lead a girl on if you’re not really trying to pursue her, mga gano’ng advice. When it comes to choosing what I want to do even with my career path, ‘di ba si Papa dati ayaw niya ako mag-artista pero he still let me. So that’s something that I really appreciate about him is how he supports me with whatever decision I make,” nakangiting pahayag ni Inigo.

Ngayon ay napababalitang may espesyal na umanong namamagitan kina Maris Racal at Inigo. Ano kaya ang reaksyon ni Piolo nang mabalitaan ang tungkol dito? “With Maris, masaya ako dahil even with Kelley (Day, miyembro ng Girltrends) before, my parents have always been, ‘We want you to be human, we want you to be who you are as a person.’ I mean being an artist is already hard just that maraming limitations din na kailangan mong isipin. Siyempre you are a public figure so simple things like that. My parents let me be already so masaya ako do’n,” makahulugang paliwanag ni Inigo.