PNP Chief Bato hindi sineryoso sa claim na descendant ni Jose Rizal!, ER umaasa pa rin sa ibibigay na puwesto ni Pres. Duterte, Regine lalayas na sa GMA?!

SEEN: Ginunita nina former Senators Jinggoy Estrada at Bong Revilla, Jr. noong June 20 ang ikatlong taon na pagkakabilanggo nila sa PNP Custodial Center ng Camp Crame dahil sa bintang na plunder.

SCENE: Hindi gaanong naramdaman kahapon ang Grand Fans Day sa Music Museum ng mga contract star ng GMA Artist Center.

SEEN: Pipirma ng kontrata si Regine Velasquez sa Viva Artists Agency sa papasok na linggo. Marami ang curious na malaman ang dahilan ng pagpirma ni Regine ng kontrata sa VAA.

SCENE: Hindi sineryoso ang press release ni Philippine National Police Chief Ronald “Bato” dela Rosa na descendant siya ni Gat Jose Rizal dahil kahit sino, puwedeng mag-claim na kamag-anak sila ng Pambansang Bayani.

SEEN: Performer ngayong gabi sa Miss Manila 2017 si Sarah Geronimo. Suki na si Sarah ng Miss Manila dahil taun-taon, performer siya sa coronation night.

SCENE: Sina Rocco Nacino at Sanya Lopez ang featured guests bukas sa Pikotilyo episode ng Dear Uge, ang comedy anthology ni Eugene Domingo sa GMA 7. Co-stars sa Pikotilyo sina Maureen Larrazabal, Mel Kimura, at Ate Gay.

SEEN: Ang balita na hindi nawawalan ng pag-asa si former Laguna Governor ER Ejercito na mabibigyan siya ni President Rodrigo Duterte ng puwesto sa pamahalaan. Nami-miss ni ER ang public service.

SCENE: Viral na ang larawan ng pamilya ng business tycoon na si Danding Cojuangco at ng former beauty queen na si Aileen Damiles. Mga menor de edad at private individuals ang dalawang anak na babae nina Danding at Aileen kaya hindi dapat ipinapakita ang mga mukha nila.