Hospital blast: 8 sugatan

COTABATO CITY, Maguindanao, Philippines – Walo-katao kabilang ang pitong kawani ng Sultan Kudarat Electric Cooperative (SUKELCO) ang nasugatan makaraang sumabog ang inihagis na improvised explosive device (IED) sa harap ng VMC Hospital sa Tacurong City, Sultan Kudarat kahapon ng umaga. Kinilala ni P/Supt. Raul Supiter, police provincial director ng Sultan Kudarat ang mga sugatan na sina Janice Alacdo Barote, 34, vendor, ng Purok Sampaguita, Barangay New Carmen; Romel Carnajo Sunet, Edisom Escultero Paches, Arnold Pampulina Raboc, June Nhel Alla Manojo, Larry Daniel Quicoy, Kenneth John Karumba, at si Janno Buendicho, mga kawani ng nabanggit na kompanya. Batay sa ulat, nagmamadaling inihagis ang bomba sa compound ng Sukelco subalit sumabog sa bakod na nasa harap ng nasabing ospital dahil may kataasan ang bakod ng kompanya.