Pag-record sa iyang mga damgo

Duna koy higala nga matag damgo niya iya gyud nga i-record o iyang himoong matala diha sa iyang journal. Detalyado kaayo ang tanan mao nga gihimo usab ni niya nga iyang sukaranan sa iyang panaw sa pagtuo. Kay ang mga damgo man gud mao man ang imong pagpadayag sa imong kaugalingong pangandoy, ingon man kahadlok. Magamit usab kini aron atong matan-aw ang atong panaw sa kinabuhi ingon nga tawo ug ingon nga magtutuo. Apan sa laing bahin, mahinungdanon usab kaayo sa damgo nga ato kining hunahunaon ingon nga kahimanan sa pagbugtaw sa atong umaabot nga pinasikad sa atong pagpili kay pinaagi lamang niining maong pagpili mamahimong ang atong kinabuhi mahulma niini. Diha sa atong paghikatulog mahatagan unta kita og nindot nga mga damgo ug dili mga urom aron inig mata nato sa buntag atong makita ang kinabuhi ingon nga nindot ug dili ngil-ad nga sitwasyon.