Kapatid ni James Reid, bagong IT Girl!
SEEN: Thank you girl sa Miss Supranational 2016 ang Philippine representative na si Joanna Eden na sumobra ang projection nang rumampa sa entablado.
SCENE: Nakaburol sa Pinaglabanan Church, San Juan City ang cremated remains ng talent manager na si Bibsy Carballo na sumakabilang-buhay noong Biyernes.
SEEN: In demand na cover girl ng mga glossy fashion magazine si Lauren Reid, ang kapatid sa ama ni James Reid. Ang bagong “It Girl” ang bansag kay Lauren.
SCENE: Magkakaroon ng re-shoot ang indie movie na Bubog dahil sa desisyon ng direktor na si Arlyn dela Cruz na bigyan ng bagong role si Ping Medina at huwag nang gamitin ang mga eksena nina Ping at Baron Geisler.
SEEN: Nagbabait-baitan si Baron Geisler dahil Bible verses na ang bukambibig niya pero huli na dahil hindi na siya pinaniniwalaan ng mga tao na nagkakaisa sa opinyon na dapat nang burahin sa entertainment industry ang quarrelsome actor.
SCENE: Nakipagtagisan si Alden Richards sa Singaporean actor na si Adrian Pang ng husay sa hosting sa 21st Asian Television Awards sa Singapore noong Biyernes. Multi-awarded actor si Pang at siya ang leading man ni Lea Salonga sa musical na They’re Playing Our Song noong 1999.
SEEN: Confident si Paolo Ballesteros na tatangkilikin ng publiko at magiging successful ang Die Beautiful, ang pelikula niya na official entry sa Metro Manila Film Festival 2016.
SCENE: Christian Bables ang pangalan ng newcomer na gumaganap na transgender woman bestfriend ni Paolo Ballesteros sa Die Beautiful. Ang I Love You To Death ng Regal Entertainment Inc. ang unang pelikula ni Christian.
- Latest
