Imposibleng may sakit, Sarah bigay na bigay sa ASAP

MANILA, Philippines – Wala sa hitsura ni Sarah Geronimo ang may sakit siya.

Bagama’t nauna nang si­­na­­bi ni Boss Vic del Rosario, manager ni Sarah na wala nga siyang sakit, na­ging basehan ng walang ti­gil na haka-haka ang tweet ng MTV Asia na umano’y health reason kaya hindi na ma­kakapag-per­form si Sarah sa MTV Mu­sic Evolution na gagana­pin sa bansa on June 24 na pa­ngu­ngu­nahan ng American Pop Band na One Republic.

Pero kahapon sa ASAP napanood si Sarah, walang ka-trace-trace na may sakit siya.

Seksing-seksi pa nga siya, walang pinagkaiba ang boses at bigay na bigay sa sayawan sa opening number at sa  production number for Ms. Charo Santos-Concio for MMK’s 25th anniversary.

Baka naman masakit lang ang ulo niya nung time na kailangang i-confirm ang pre­sence niya sa nasabing concert?

Saka ‘di ba napaka-health conscious si Sarah? Alam ko, regular siyang nagpupunta sa gym at mga organic ang kinakain nila sa bahay dahil base sa mga kuwento ni Mommy Divine ni Sarah tuwing ma­kakausap namin, may sarili silang garden sa bahay kung saan nagtatanim siya ng mga gulay para lahat ng mga kakainin nila everyday, fresh and organic. Actually, meron pa nga silang organic restaurant, by reservation only, somewhere in Mindanao Avenue.

So wala ngang dapat ipag-alala ang fans niya.

Bad words ni President Duterte, hindi sakop ng MTRCB!

Hindi sakop ng Movie and Television Review and Classification Board (MTRCB) ang tinatawag na ‘newsreels’ o straight news reporting tulad sa nangyayari sa presscon ni incoming President Rody Duterte hanggang alas-2:00 ng madalaing araw kamakailan kung saan nagkaroon ng live telecast sa mga local network at iba pa niyang presscon ‘pag gabi. Nakakalusot ang ilang salitang nakasanayang gamitin ng bagong presidente ng bansa.

Base sa paliwanag ng statement ni MTRCB Chairman Toto Villareal, ayon sa Sec. 7 ng Presidential Decree No. 1986 at kaakibat nitong implementing rules and regulations, hindi sakop ng ahensiya ang mga ‘‘newsreels,’’ straight news repor­ting, o paglalahad ng mga pangyayari ayon sa kung paano talagang nangyari. Kabilang na rito ang mga live media briefings o press conference, mga on-the-spot coverage ng isang hostage crisis, at nitong nakaraan lamang, ang panggabing media conference ng bagong pamunuan (ni president elect Duterte).
“Hindi sinasaklawan ng MTRCB ang mga palatuntunang naghahayag ng balita dahil malinaw na intensyon ng batas na pahalagahan ang karapatan sa malayang pananalita at pamamahayag, gayundin ang karapatan ng manonood sa impormasyon. May karampatang laya ang ating mga television network na maipakita, halimbawa, ang determinasyon ng mga bumberong pasukin ang isang nasusunog na bahay, ang pagpapatigil ng isang rali o kaguluhan, ang matin­ding galit ng isang opisyal sa pagkabigo ng isang pangkat ng kapulisan na matunton ang paglaganap ng ilegal na droga. Karapatan ng publikong malaman hindi lamang kung ano ang nangyayari, kundi pati na rin ang ginagawa ng kanilang mga inihalal para malutas ang kung ano pa mang nangyayari,” klarong paliwanag ng MTRCB chief.

“Bilang pagtalima sa batas na lumikha rito, iginagalang at sinusuportahan ng MTRCB ang kambal na karapatan at katungkulan ng mga televison network sa self-regulation, lalo na sa pamamahayag ng balita. Tungo rito, kinikilala rin ng MTRCB na ang Kapisanan ng mga Brodkaster ng Pilipinas (KBP) at ang mga TV networks ay may kanya-kanyang self-regulatory at ethical guidelines, katulad ng kanilang ginamit noong 2010 Rizal Park Hostage-Taking Crisis. Palagiang binabalanse ng mga TV network ang kalayaan sa pamamahayag at ang pansariling kalayaan sa pagpapahayag ng kung sinumang nasa balita, na marahil ang tangi lamang na limitasyon ay ang danger to national security o ang right to privacy ng nasa balita. Bukas ang mga mata ng MTRCB sa mga hamon kaugnay ng tinatawag na ‘‘as it happens’’ na pamamaha­yag, gayundin sa pangangailangang makapagpakita ng mga tunay na pangyayari, pati na rin ang pagpaparating sa mga kinauukulan ng mga mensahe na magkaminsan ay may matapang at/o maanghang na pananalita. Kasabay nito ang patuloy na pagsusumikap ng MTRCB na makatulong sa mga network sa pamamagitan ng pagpapadala ng mga ekspertong tagapagsalita at resource persons sa mga pagpupulong at kumpirensiya, at ang pagpapalaga­nap nito sa malawakang publiko sa pamamagitan ng re­gu­lar na Matalinong Panonood na kampanya sa buong bansa.

“Gayunpaman, nililinaw ng MTRCB na may pagkakaiba ang straight news sa public o current affairs programs na tumatalakay, nag-aanalisa, o nagbibigay ng opinion hinggil sa balita. Itong huli ay sakop na ng MTRCB, ayon sa Korte Suprema noong 2005, sa kasong MTRCB vs. ABS-CBN, et al. (G.R. No. 155282, 17 January 2005),” mahabang pagka-klaro ng ahensiya na nasa ilalim ng Office of the President.

Interpreters ng PhilPop 2016 kakaiba ang kombinasyon

Napili na ang exciting line up ng celebrity enterpreters para sa country’s premier songwriting competition, PhilPop 2016 edition.

Kasabay nito ang paglulunsad ng digital album sa Spotify at 2016 Commemorative Special Edition Book, sa presscon na ginanap last week at Hive Hotel in Quezon City.

Ang interpreters ay binigyan ng mga kantang sakto sa kanilang mga boses ng Top 12 songwriters na naglalaban-laban para masungkit ang much-coveted PhilPop 2016 Grand Prize sa darating na Finals Night slated July 23 at the Kia Theater in Quezon City.

Ayon kay PhilPop head, Ryan Cayabyab, ang  list of interpre­ters ngayong taon ay good mix ng veterans and upstarts with diverse styles and music influences, kaya siguradong isang kakaibang celebration of music ang magaganap sa pagdaraos ng PhilPop 2016.

Narito ang 12 na maglalaban-laban at ang mga interpreter ng bawat kanta :

1. Jeroel Maranan – Sintunado interpreted by Nyoy Volante

2. JC Jose – Stars Are Aligned interpreted by Acapellago at ni Jimmy Marquez

3. Jazz Nicolas at Wally Acolola -  Di Na Muli  interpreted by Itchyworms featuring Jazz Nicolas

4. Karl Gaurano and Daryl Reyes – Friday Night interpreted by the Kenjohns

5. Miguel at Paolo Guico – Tinatangi, interpreted by Cookie Chua, Bayang Barios and the Benjamins

6. Johann Garcia – Binibini sa MRT, interpreted by the Juans

7. Ramiru Mataro – Kahon – interpreted by Ramiru Mataro

8. Joan Da – Baliw Sa Ex-Boyfriend Ko interpreted by Sugar and Spice featuring Joan Da

9. Keiko Necesario – Nobody But You interpreted by Monica Cuenco

10. Aikee  Aplacador – Pabili Po interpreted by Banda ni Kleggy and Aikee

11. Mike Villegas and Brian Cua – Dumadagungdong interpreted by Yassi Pressman

12. Soc Villanueva – Lahat interpreted by Jason Dy

Nasa ika-5^th year, the vision remains to be its singular mission, “to renew life and focus to the local music industry.”

PhilPop Chairman Manuel V. Pangilinan says, “we want to encou­rage songwriters to churn out original Filipino sound – to remind the world that Filipinos are not just great singers and performers, but also great songwriters; that Pinoy Pop deserves a spot on the world stage.”

Sa kasalukuyan, ang PhilPop ay nakagawa na ng 60 original songs and more than 100 million hits on YouTube na nagbibigay ng break sa mga new breed of songwriters at maging sa mga veteran composers na nagiging panibagong avenue para ipagpatuloy ang kanilang kakaibang talento sa musika.