Balang, tampok sa Tunay na Buhay
MANILA, Philippines - Ngayong Miyerkules (May 25), kikilalanin pang lalo ng Tunay na Buhay ang cute at bibong child celebrity na si Balang.
Mula nang i-upload ang kanyang nakatutuwang dancing videos sa internet, naging instant celebrity na si John Philip Bughaw o mas kilala bilang si Balang hindi lang sa Pilipinas, kundi maging sa ibang bansa.
Ang pitong-taong gulang na batang taga-Cavite ay ilang beses nang lumabas sa iba’t ibang programa sa telebisyon at tatlong beses na ring naging guest sa sikat na The Ellen DeGeneres Show sa U.S. Sa ngayon, bahagi na rin siya ng pinakabagong show ng Kapuso network na Magkaibang Mundo.
Samahan ang guest host na si Susan Enriquez ngayong Miyerkules at makiindak sa makulay na kuwento ni Balang sa Tunay na Buhay, pagkatapos ng Saksi sa GMA 7.
- Latest