Magkakapatid na Pinay lutang ang galling sa X Factor UK
Kung si Gerphil Flores ay hindi nag-give up matapos niyang sumali noon sa Pilipinas Got Talent at muli siyang sumubok sa Asia’s Got Talent in Singapore kung saan siya lumutang nang husto at pumangatlo sa grand winner sa Filipino group na El Gamma Penumbra, ganoon din ang pakiramdam ng Gollayan sisters na sina Mylene, Irene, Celina, at Almira Cercado nang sila’y makipagsapalaran at sumali sa X-Factor UK sa London na pinamumunuan mismo ng creator ng programa at isa sa mga hurado na si Simon Cowell.
Calling themselves 4th Power, ang apat na magkakapatid ay naging kampeon na rin noong 2012 sa It’s Showtime ng ABS-CBN at sumali rin sa isa singing competition sa Korea, ang Superstar K-6.
Kung sa unang salang sa kanila sa X-Factor UK ay binigyan sila ng standing ovation ng apat na hurado at ng audience, nakatitiyak ang grupo na malaki ang kanilang magiging laban sa mga susunod pang pagsubok ng nasabing reality singing competition.
Sa totoo lang, Salve A., kahit saang sulok ng daigdig ay lutang talaga ang kakaibang talent ng mga Pinoy.
Pagganap kay Marcos, highlight ng career ni Mark
Nakaka-inspire ang kuwento ng buhay ni Mark Bautista na lumuwas ng Maynila noon na ang tanging baon ay ang pag-asang maiangat ang kanyang pamilya sa Cagayan de Oro.
Anumang hirap ang pinagdaanan noon ni Mark ay napalitan naman ito ng sunud-sunod na biyaya at ang pangarap niya noong matulungan ang kanyang pamilya ay naisakatuparan niya.
Malayo na nga ang narating ni Mark tulad nina Sarah Geronimo, Rachelle Anne Go, Erik Santos, Christian Bautista at maraming iba na nagmula sa mga singing competition at naging pasaporte nila sa tagumpay na kanilang tinatamasa ngayon.
Thirteen years na ang nakalipas matapos maging first runner-up si Mark ng grand winner noong si Sarah Geronimo sa reality singing competition na Star for A Night na produced ng Viva TV and aired sa IBC-13.
Biggest break kay Mark ang pagkakapili sa kanya para gampanan ang role ni dating Pangulong Ferdinand Edralin Marcos sa isang musical play sa London, ang Here Lies Love. Sa London din umusbong ang pangalan ni Rachelle Anne na siyang nagbida sa musical re-staging ng Miss Saigon na unang ginampanan ni Lea Salonga.
Balik-Pilipinas si Mark na hindi nawawalan ng mga project at kasama na rito ang stage musical adaptation ng classic movie noon nina Sharon Cuneta at Christopher de Leon, ang Bituing Walang Ningning na magkakaroon ng re-run this October sa Newport Performing Arts Theater ng Resorts World Manila.
At 32, hindi pa rin nakikita ni Mark ang kanyang makakatuwang sa buhay.
- Latest