Ogie Alcasid may kakaibang concert treat sa ASAP, Sarah G. maglulunsad ng bagong album
MANILA, Philippines - Sa unang pagkakataon, matutunghayan sa ASAP 19 centerstage ang pinakaaabangang concert treat ng OPM Icon na si Ogie Alcasid ngayong Linggo (Nobyembre 2). Kilala bilang hall of famer songwriter sa industriya ng musika at nag-iwan ng tatak sa kanyang mga awitin, si Olgie Alcasid ay magbabahagi sa I LOVE OPM segment ng isang pinakaaabangang kolaborasyon kasama si Mr. Pure Energy Gary Valenciano.
Tuluy-tuloy naman ang world-class musical treat sa pangunguna ni MTV EMA Southeast Asia Winner at Popstar Royalty Sarah Geronimo sa paglulunsad ng kanyang newest album at newest single na Kilometro. Abangan din ang this Generation’s King of Pinoy Rock, Bamboo, sa isang Topnotch Acoustic Performance kasama ang international music sensation na si Charice.
Tiyak na mamamangha ang lahat ng manonood sa kakaibang charms ng ASAP It Girls na sina Kathryn Bernardo, Liza Soberano, Julia Baretto, at Janella Salvador sa isang nakakaindak na performance mula sa hit single ng Icon Pop’s biggest hit, All Night. Abangan din ang exciting na Halloween special number mula sa The Voice Kids Lyca Gairanod, Darren Espanto, Juan Karlos Labajo, at Darlene Vibares kasama sina Bugoy Cariño at Nhikzy Veench Calma. Hindi naman papahuli sina Nash Aguas, Joaquin Reyes, at Grae Brace ng Gimme 5 kasama ang Kapamilya Tweens na sina Andrea Brillantes, Zaijan Jaranilla, Sharlene San Pedro, at Jairus Aquino sa isang makapigil hiningang production number.
Aapaw naman sa kilig at saya sa center stage sa isa na namang Kathniel Kilig Power nina Daniel Padilla at Kathryn Bernardo ka-back-to-back ang iba pang newest Kapamilya love teams na sina Liza at Enrique Gil kasama sina Julia at Iñigo Pascual.
Samantala, makisaya at makikanta sa makulay na selebrasyon ng 25 taon ng Filipino music kasama sa mga tinitingalang OPM Gems na si Rachel Alejandro. Tiyak naman na mamamangha sa isa na namang dekalibreng concert treats mula kila ZsaZsa Padilla, Martin Nievera, Jericho Rosales, at Sam Milby na sasamahan ng Ultimate Champions Face Off nina Yeng Constantino, Angeline Quinto, Jed Madela, at Erik Santos. Susundan naman ito ng banayad na musika ng pag-ibig kasama ang ASAP sessionistas. Hindi naman papahuli ang isa na namang surprising Karaokey performance nina Luis Manzano, Alex Gonzaga kasama sina Marcelito Pomoy. Huwag din palampasin ang ASAP All Access ng elusive chanteuse tour ni Mariah Carey.
- Latest
