Jennylyn excited pumunta sa kasal ni Patrick

Dadalo ang mag-inang Jennylyn Mercado at Jazz sa nalalapit na kasal nina Patrick Garcia at non-showbiz girlfriend nito. “Excited ako sa kasal ni Patrick dahil ring-bearer si Jazz. Lagi kaming nagkakausap nina Pat at lalung-lalo na si Niks (Nikka Martinez). Kasama ako sa wedding. Happy ako doon,” nakangiting pahayag ni Jennylyn.

Taong 2008 pa nagkahiwalay bilang magkasintahan sina Patrick at Jennylyn at nagkaroon sila ng isang anak. May isang anak na rin si Patrick sa mapapangasawa nitong si Nikka. Iginiit ni Jennylyn na kailangan niya talagang masaksihan ang pag-iisang dibdib nina Patrick at Nikka. “Dapat makita ko ‘yung celebration na ‘yon. Siyempre, tatay ni Jazz ‘yon. Part siya ng buhay ko. So kailangan kong ma-witness ‘yon,” paliwanag ng aktres.

Samantala, may bulung-bulungan na nakabalikan na raw ni Jennylyn ang dati ring kasintahan na si Dennis Trillo. “Sorry ha, boring ang love life ko ngayon, pasensya na. May duet lang kami ni Dennis sa album ko, pero walang balikang naganap. Friends lang talaga kami nung tao. Sa ngayon po kasi ay sa iba naka-focus ang atensyon ko. Sa trabaho, sa pamilya ko,” giit ni Jennylyn.

Direk Cathy damang nagkakagustuhan na sina Enrique at Liza

Simula sa October 27 ay mapapanood na sa Primetime Bida ng Kapamilya network ang teleseryeng Forevermore na pinagbibidahan nina Enrique Gil at Liza Soberano. Si Cathy Garcia-Molina ang direktor ng nasabing proyekto at ayon dito ay talagang kakaiba ang mapapanood ng mga tagahanga nina Enrique at Liza. “When it was pitched to me, they’ve told me that it is a story of second chances. It’s not about first love, dadaanan lang siya so the pilot is really far from what the show really is,” bungad ni Direk Cathy.

Matatandaang ang direktor din ang gumawa ng romantic-comedy serye na Got To Believe pero malaki raw ang pagkakaiba nito sa Forevermore. “When they said it’s going to be Enrique and Liza, sabi ko bago rin. Never pa naman nakita together (sa TV) so bagay lang din do’n sa tono na hindi naman lang siya drama. Hindi rin naman siya comedy, so it’s a combination of romance and comedy,” pagbabahagi ni Direk Cathy.

Nararamdaman daw ng direktor na nagkakagustuhan na sina Enrique at Liza ngayon. “Parang crush naman nila ang isa’t isa. Parang they seem to, it’s parang premature but nakikita ko na parang they like each other. With the journey of the characters in the show will be the journey of Quen and Liza and I hope after this show, they will be better actors. They have it, they want to learn, they have the motivation and they like what they’re doing and they’re very good children,” paliwanag ng direktor.

Reports from JAMES C. CANTOS