Kris naging kamukha ni Doris Bigornia sa maiksing buhok

PIK: Gustong makilala ni Sen. Loren Legarda si Jennylyn Mercado nang sinabi namin sa kanya na ang Kapuso actress ang nahirang na Ambassadress of the Ocean ng Department of Environment and Natural Resources.

Active si Jennylyn sa mga campaign na paglilinis sa ating karagatan dahil sa madalas itong nagda-diving.

Natutuwa si Sen. Legarda dahil meron din siyang campaign sa Philippine Marine Biodiversity na kung saan meron silang documentary na ginawa ni Direk Brillante Mendoza tungkol sa paglilinis sa ating karagatan.

Posibleng magsama sina Sen. Legarda at Jennylyn sa ganitong kampanya.

PAK: Handang-handa na si Heart Evangelista sa kanyang one-woman exhibit na gagawin sa Ayala Museum sa May 8 hanggang 22.

Sobrang kinakarir niya ang mga paintings na ginagawa niya at ang dinig namin, karamihan sa mga i-exhibit niya ay nabili na. May sarili na nga siyang studio dahil sa rami ng paintings na nagawa niya.

 Malalaki ang mga ginagawa niyang paintings at  mahal daw ang presyo.

Nabalitaan din naming pagkatapos ng exhibit ay titigil muna sa pagpipinta ang Kapuso actress.

Pero malaki ang impluwensya ni Heart dahil nahilig na rin sa pagpinta si Sen. Chiz Escudero pati ang bestfriend niyang si Alessandra de Rossi.

BOOM: Iba’t ibang reaksyon ang nakukuha namin sa short hair ngayon ni Kris Aquino.

May ilang nagagandahan pero karamihan ay ‘di nila type ang bagong look ng Queen of All Media.

Nakakaloka ang ibang reaksyon na sinasabi nilang parang kamukha raw ni Kris si Doris Bigornia sa maiksi niyang buhok.

Para sa amin, mas gusto pa rin namin ang dati niyang buhok.

Pero mukhang may malaking pagbabago sa buhay ni Kris kasabay nang pagpapaiksi niya ng buhok.