Adamson ipinrotesta ang pagkatalo sa La Salle

MANILA, Philippines — Naghain na ng pormal na protesta ang Adamson University sa pamunuan ng UAAP kasunod ng pagkatalo nila sa defending champion De La Salle University.

Sinulatan ni Adamson Director for Athletics and Recreation Fr. Aldrin Suan si commissioner Rebo Saguisag para magsagawa ng review sa tinawag nilang “unfair” at “biased” na officiating ng mga referee.

"The statistics do not lie. Watching it either live or on television reveals a dubious officiating by the referees, all in favor of La Salle and prejudicial to Adamson," nakasaad sa sulat.

Umabot sa 39 free throws ang iginawad sa Green Archers habang lima lamang sa Soaring Falcons sa kanilang semi-finals matchup nitong Sabado.

Sinabi ni Suan na nais lamang nilang manaig ang patas na tawagan para sa isang disenteng laro.

"Lest it be misunderstood, Adamson University is not sour-graping for the loss. The community only clamors for an objective, fair and impartial officiating, all in the name of a decent game," dagdag niya.

Sinuspinde na naman ng UAAP ang tatlong referee na pumito sa isa sa dalawang Final 4 matchup.

Sa pagkapanalo ng La Salle ay muli silang bumalik sa Finals upang depensahan ang titulo.

Hinihintay na lamang nila ang mananalo sa pagitan ng Ateneo de Manila University at Far Eastern University na maglalaro sa Miyerkules.