2 ginto sweep ng triathletes

Pinoy athletes kumikilos na

Kuala Lumpur – Sa pa­­­mamagitan nina triathletes Nikko Huelgas at Kim Mang­robang ay uma­ngat ang Team Philippines sa ikaanim na puwesto sa 29th Southeast Asian Games dito.

Muling dinomina ng national team ang triathlon event sa ikalawang sunod na SEA Games matapos magsumite si Huelgas ng isang oras,  59 minuto at 21 segundo upang ma­pa­natili ang titulo sa men’s di­vision, habang ang team­mate niyang si John Chi­cano ay tumapos sa 2:01:26 pa­ra sa 1-2 finish ng Pinoy triathletes.

Si Mangrobang naman ay nagtala ng 2:11:14 upang angkinin ang gintong medalya sa women’s category at sinundan ng silver medal finish ni 2015 SEA Games queen Ma. Claire Adorna (2:18:58) pa­ra sa ikalawang 1-2 finish ng tropa.

“It’s okay that I lose the gold,” sabi ni Adorna. “It doesn’t matter who would win. The important thing is that we keep the gold and silver medals and this victory is for the country.”

Sa Day Three umani rin ang Pilipinas ng 4 silver at 4 bronze medals para sa 3-6-6 gold-silver-bronze tally.

Ang dalawang silver me­dals ay mula sa triathlon at dinagdagan pa ng da­lawa mula kina Agatha Chrystenzen Wong sa wu­shu Taijijan event at Sa­mantha Catantan sa wo­men’s foil individual event ng fencing.

Ang mga tanso ay nagmula kina Kareel Hongitan, Mary Queen Ybañez at Nicole Tagle sa women’s team recurve ng archery, Gabriel Moreno at Mark Javier sa men’s team recurve ng archery, Maxine Esteban sa women’s foil individual event ng fencing at ang sepak takraw team nina Rizzalyn Amolacion, Mary Ann Lopez, Jean Marie Sucalit, Kristel Carloman at Lhaina Lhiell Mangubat.

Sa boxing, tumiyak ng bronze me­dal sina bantamweight Ma­rio Fernandez, light welterweight Charly Sua­rez at light heavyweight John Nobel Tupas Marvin matapos talunin si­na Tran Phu Cuong ng Vietnam, Khir Akyazlan Az­mi ng host  Malaysia at Cambodian Felix Marlin Martinez, ayon sa pagkakasunod.