Volleyball isinama na sa TM Sports grassroot program
MANILA, Philippines - Magiging tatlong sports disciplines kabilang na ang volleyball ang kasama sa pinalawig na Globe Telecom ‘2017 TM Sports Para Sa Bayan-Tara, Laro Tayo’ na inilunsad kahapon sa Aristocrat Restaurant ng Malate, Manila.
Sinama na ang volleyball sa basketball at football na pagtuunan ng naturang grassroot sports development project ng Globe Telecom upang makatulong sa mga kabataang may edad 12-anyos pababa at 14-anyos pababa.
Sinabi rin nina Maui Rebuco at Rofil Magto na ang nasabing proyekto ay hindi lamang tututok sa sports kundi pati na rin sa edukasyon ng mga batang mapipili para ipadala sa Kuala Lumpur, Malaysia at Barcelona, Spain.
“The initiative was developed to hone the basketball and football skills of the underprivileged youth and impart to them the value of sportsmanship, discipline, determination and teamwork,” sabi ni Rebuco.
Sina Rebuco at Magto kapwa ay umaasang marami pang madidiskubre na talento mula sa mga lugar na pagdadausan ng naturang programa kabilang na sa Metro Manila, Tacloban City, Vigan, Ilocos Sur at San Carlos City, Negros Occidental.
Ayon pa kay Magto, ang nasabing proyekto ay aabot din sa Mindanao sa susunod na taon at hindi hadlang ang deklarasyon ng Martial Law sa Mindanao ang pagdiskubre ng talento para magkaroon ng tsansa ang mga talented na mga kabataan na magsanay hindi lang dito sa Pilipinas kundi pati na rin sa ibang bansa. - FCagape
- Latest
