‘Chichirya at iba pa’

PARA malabanan ang malnutrisyon kinakailangan na   matutong kumain ng gulay at prutas ang mga kabataan.

Ipinapa-ban ni Department of Education (DepEd) Leonor Briones ang hindi masusustansiyang pagkain sa pampublikong paaralan sa elementary at high school pati na din sa mga opisina ng DepEd.

Isang paraan ito na naisip nila para labanan at iwasan ang malnutrition at obesity sa mga kabataan.

Kapag kulang sa nutrisyon ang isang bata madaling dapuan ng sakit at kung ang kakainin nito ay wala namang sustansya hindi kakayanin ng kanyang katawan na ito’y labanan.

Kabilang sa mga pagkain na ipinagbabawal na ibenta ay ang mga junk food, soda, maaalat at matatamis na pagkain.

Isinusulong nila ang pagkain ng masustansya ng mga kabataan.

Maliban sa mga pagkain nagbigay din ang DepEd ng palugit na tatlong buwan para matanggal ang mga refrigerator o ilan pang kagamitan sa kantina na may logo ng mga ipinagbabawal na ibenta sa pampublikong eskwelahan.            Hindi lamang sa eskwelahan ipinagbabawal ang mga ito kundi maging sa ilang educational activities.

Marami naman talaga sa mga kabataan na sa halip na tinapay o prutas ang bilhin ay mas naeengganyo pa silang bumili ng hindi masusustansiyang pagkain.

Hindi mo naman masasabing wala silang pera pambili ng masusustansiyang pagkain dahil mas mura ito kung ikukumpara mo.

Maging ang pag-sponsor ng mga brand o kagamitang may logo ng mga pagkaing ipinagbawal ay hindi na din pwedeng gamitin sa loob ng eskwelahan.

Taun-taon na nating naririnig na ipinagbabawal sa mga eskwelahan ang pagbebenta ng mga junk food at ilang inumin walang bitamina pero wala namang nangyayari.

Siguro ay kinakailangang ituloy-tuloy ang pagbabawal nito at hindi yung ilang buwan lang ang bibilangin mo magbabalik na naman ang mga junk food.

SA MGA BIKTIMA NG KRIMEN o may problemang ligal maaari kayong magtext sa 09198972854, 09051090451 at sa gustong maka-usap ako ng diretso sa 710-3618.

Maaari din po ninyong i-like ang www.facebook.com/tonycalvento o i-type na rin ng diretso sa Facebook sa Tony A. Calvento at mag-iwan ng mensahe para sa inyong mga problema.