Peña ‘di papatinag sa black propaganda
MANILA, Philippines - Hindi umano magpapatinag si dating Makati City Mayor Romulo “Kid” Peña sa ibinabato sa kanyang mga “black propaganda” ng kanyang mga kalaban sa pulitika bagkus ay patuloy ito sa pagbibigay ng serbisyo publiko sa mga nangangailangan sa lungsod ng Makati.
Ito ang reaksiyon ng kampo Peña kaugnay ng panibagong hiling ni Atty. Arthur Michael Camiña, tagapagsalita ni Makati City Mayor Abby Binay sa Commission on Election (COMELEC na kasuhan umano ito hinggil sa pagpa-promote nito sa tatlong kawani ng city hall ng ito pa ang nanunungkulang alkalde.
Tingin ng kampo ni Peña ay hindi maka move-on ang kanyang mga kalaban sa pulitika dahil patuloy siyang ginigiba ng mga ito kahit wala na aniya siya sa pwesto, dahil ang mga isyung ibinabato sa kanya ay matagal na niyang naipaliwanag sa ligal na pamamaraan at ang kanya aniyang naging hakbangin ng siya pa ang alkalde ng lungsod ay dumaan sa tamang proseso.
“Once more, the Personnel Selection Board of the city government had acted in good faith through proper screening and deliberation of promoted and regularized personnel,” ani Peña.
“Lahat ng Officers-in-Charge, Department Heads at recommending authority ay humarap sa PSB upang pagtibayin ang regularisasyon ng mga kawani, kinabibilangan ng mga traffic aide at street sweepers, na karamihan ay nakapaglingkod na ng mahigit 25 taon. It is only during the regime of Bagong Makati, when they were given regular plantilla positions”, dagdag pa ni Peña.
Pinabulaanan din nito ang alegasyon ukol sa “ghost employees” dahil ang mga pinaratangang empleyado ay nakakuha ng clearance sa HRDO bago nakakolekta ng kanilang 13th month pay at iba pang benepisyo noong Disyembre. Na lahat aniya ng mga natanggal na empleyado ay pumila sa 22nd floor ng Makati City Hall para sa naturang cash bonus.
- Latest