Lee iniligtas ang Star sa Rain or Shine
MANILA, Philippines – Si Paul Lee ang dating sinasandalan ng Rain or Shine sa mga mahahalagang sitwasyon ng laro.
Ngunit kagabi ay ang Star ang iniligtas ng combo guard mula sa kabiguan.
Nagsalpak ng isang drive at three-point shot si Lee sa huling dalawang minuto ng fourth period para ihatid ang Hotshots sa 99-91 panalo laban sa Elasto Painters sa 2016-2017 PBA Philippine Cup kagabi sa Smart Araneta Coliseum.
Tumapos si Lee na may 14 points kagaya ni rookie guard Jio Jalalon sa ilalim ng 16 markers ni PJ Simon para sa ikatlong sunod na panalo ng Star matapos ang 0-2 panimula.
“Ginawa ko lang talaga ‘yung part ko. At the end of the day nasa amin din ‘yung huling halakhak,” sabi ni Lee, nakapalitan ni two-time PBAS Most Valuable Player James Yap.
Nang makatabla ang Star sa 48-48 ay isang 17-7 bomba ang inihulog ng Rain or Shine para kunin ang 10-point lead, 65-55, sa 4:30 minuto ng third period.
Naagaw ng Hotshots ang 90-88 abante bago nakalayo sa 96-88 mula sa dalawang magkadikit na tres nina Lee at Aldrech Ramos sa huling 1:23 minuto.
Star 99 - Simon 16, Jalalon 14, Lee 14, Ramos 12, Maliksi 11, Pingris 11, Melton 6, Sangalang 6, Dela Rosa 5, Barroca 4, Reavis 0.
Rain or Shine 91 - Almazan 19, Washington 14, Tolomia 11, Norwood 10, Yap 9, Ponferrada 8, Ahanmisi 7, Belga 6, Cruz 5, Chan 2.
Quarterscores: 23-23; 42-41; 74-75; 99-91.
- Latest