Euro-Med, Jumbo Plastic nagpalakas
Laro Ngayon (Marikina Sports Center)
5 p.m. Supremo Lex vs Foton
7 p.m. Euro-Med vs Biyaheng SCTEX
MANILA, Philippines - Binuhay ng Euro-Med ang kanilang tsansa para sa automatic semifinals berth nang lumpuhin ang Mighty Sports, 87-73 sa PCBL Chairman’s Cup sa Marikina Sports Center.
Ito ang pang-anim na panalo ng Euro-Med sa 11 laro para sa ikalawang puwesto sa ilalim ng Mighty Sport (9-2) kasunod ang Jumbo Plastic (7-4) at Biyaheng SCTEX (6-4).
Giniba ng Jumbo Plastic ang import-less Supremo Lex, 75-46, sa isa pang laro.
Nauna nang nakamit ang No.1 spot sa semifinal round, ipinahinga ng Mighty Sports si Kiefer Ravena, nakatakdang magtungo sa US para sa ilang serye ng pagsasanay.
Pinamunuan ni ex-pro Eloy Poligrates ang Euro-Med sa kanyang 23 points at humakot si import Ola Adeogun ng double-double performance sa itinalang 21 points at 14 rebounds.
Nagdagdag si Jeff Tajonora ng 10 markers, tampok ang tatlong triples para sa Euro-Med, ang ikalawang koponang tumalo sa Mighty Sports maliban sa Jumbo Plastic sa torneong suportado ng Ambucore, LGR, Hahn Manila, Gerry’s Grill, During’s Barbeque and Restaurant, and Spalding.
EURO-MED 87– Poligrates 23, Adeogun 21, Tajonera 10, Alvarez 7, Salcedo 6, Capacio 6, Saitanan 5, Custodio 3, Salamat 3, Llagas 2, Almario 1, Galanza 0.
Mighty SPorts 73 – A. Bringas 13, Ferrer 12, Banal 11, Akhuetie 10, Lopez 8, M. Bringas 8, Montilla 5, Tang 4, Celada 2, Mangahas 0, Regalado 0, Melocoton 0,.
Quarterscores: 22-23, 47-45, 67-57, 87-73.
- Latest
