Biyaheng semis sa Texters, Painters
Laro Ngayon (Smart Araneta Coliseum)
3 p.m. Purefoods vs Alaska
5:15 p.m. Meralco vs NLEX
MANILA, Philippines – Hindi na pinatagal pa ng Elasto Painters at Tropang Texters ang kani-kanilang mga quarterfinals match-up.
Tinakasan ng No. 1 Rain or Shine ang No. 8 Barangay Ginebra, 92-91, habang pinabagsak ng No. 2 Talk ‘N Text ang No. 7 Barako Bull, 127-97, para umabante sa semifinal round ng 2015 PBA Commissioner’s Cup kagabi sa Mall of Asia Arena sa Pasay City.
Kapwa may bitbit na ‘twice-to-beat’ advantage ang Elasto Painters at Tropang Texters kontra sa Gin Kings at Energy, ayon sa pagkakasunod, sa quarterfinals.
Ang krusyal na agaw ni Jeff Chan kay Ginebra import Michael Dunigan sa natitirang 4.9 segundo sa final canto ang siyang nagpanalo sa Rain or Shine.
Lalabanan ng Painters ang mananalo sa best-of-three quarterfinal series ng No. 4 NLEX Road Warriors at No. 5 Meralco Bolts.
Makakatapat naman ng Talk ‘N Text ang magtatagumpay sa serye ng No. 3 Purefoods at No. 6 Alaska.
“That’s what you expect. Basta magtrabaho lang ang mga players because they know how important the game is,” ani coach Jong Uichico sa kanyang Tropang Texters, nasa kanilang ikaapat na sunod na semis appearance.
Samantala, pipilitin ng Purefoods at ng Meralco na tapusin ang kanilang mga best-of-three quarterfinals series ng Alaska at NLEX, ayon sa pagkakasunod.
Lalabanan ng Hotshots ang Aces ngayong alas-3 ng hapon bago ang salpukan ng Bolts at Road Warriors sa alas-5:15 sa Game Two sa Smart Araneta Coliseum.
Talk ‘N Text 127 – Johnson 35, Castro 18, De Ocampo 16, Rosser 12, Fonacier 10, Alas 8, Seigle 8, Washington 5, Williams 4, Espiritu 3, Carey 2, Labagala 2, Reyes 2, Aban 2, Miller 0.
Barako Bull 97 – Alabi 23, Intal 22, Lanete 13, Pascual 12, Garcia 6, Lastimosa 6, Marcelo 6, Mercado 4, Hubalde 3, Salvador 2, Salva 0, Paredes 0.
Quarterscores: 45-23; 75-44; 101-73; 127-97.
Rain or Shine 92 – Chism 17, Chan 17, Almazan 17, Lee 9, Norwood 9, Uyloan 5, Araña 4, Quiñahan 4, Cruz 4, Teng 2, Tiu 2, Belga 2, Teng 0.
Ginebra 91 – Slaughter 26, Aguilar 14, Caguioa 14, Dunigan 11, Urbiztondo 7, Tenorio 7, Helterbrand 5, Yeo 4, Baracael 3, Ellis 0.
Quarterscores: 21-18; 44-42; 63-68; 92-91.
- Latest
