Beermen lalapit sa quarters vs Express
MANILA, Philippines - Pipilitin ng San Miguel Beer na makalapit sa No. 2 spot na may kasamang ‘twice-to-beat’ incentive sa quarterfinal round sa pamamagitan ng panalo sa Air21.
Nakatakdang labanan ng Beermen ang Express ngayong alas-8 ng gabi sa nag-iisang laro sa 2014 PBA Commissioner’s Cup sa Smart Araneta Coliseum.
Ang 78-88 kabiguan ng San Mig Coffee sa Meralco noong Lunes ang nagbigay ng malaking tsansa sa San Miguel Beer na masikwat ang No. 2 ticket sa quarterÂfinals.
Ganap na makakamit ng Beermen ang No. 2 berth kung mananalo sila sa Air21.
Magkakaroon lamang ng komplikasyon kung matatalo ang San Miguel Beer sa Air21 at maÂnanalo naman ang nagÂdedepensang Alaska, nasa four-game winning streak, sa San Mig Coffee sa Linggo na magreresulta ng kanilang pagkakatabla.
Ang Talk ‘N Text ang unang koponang nagbulsa ng No. 1 berth kasama ang ‘twice-to-beat’ bonus sa quarterfinals kontra sa uupo sa No. 8.
“We’re not looking at that. It’s a cliché but we just look at the particular game we play,†sabi ni coaching consultant Todd Purves sa San Miguel Beer.
Nanggaling ang Beermen sa 97-88 paggupo sa Mixers noong Abril 12, samantalang nasa two-game losing skid naman ang Expess.
Sa tournament format ay lalabanan ng No. 1 ang No. 8 at sasagupain ng No. 2 ang No. 7 na kapwa bitbit na ‘twice-to-beat’ advantage sa quarterfinals.
- Latest