Order sa DILG gihuwat
CEBU, Philippines - Si DILG-7 Regional Director Rene Burdeos mipasabot nga “final and executory” ang kamandoan sa Ombudsman nga magpasuspenso nila ni Rupinta ug pito ka konsehal sa Ermita, apan dili pa lang nila kini ipatuman.
Si Konsehal Philip Zafra, presidente sa Association of Barangay Councils (ABC) sa dakbayan, miingon nga angayan gyud unta nga gikuhaan usa sa ilang habig ang mga hingtungdang opisyal sa barangay sa wala pa sila ipasuspenso.
Matud ni Burdeos nga gikonsulta na nila kini sa DILG-Central Office sa Manila aron kagiyahan sila kun unsay tukma nga lakang sanglit ang tanan man gyud nga piniling opisyal sa Ermita ang ipasuspenso. Ang pasiunang baruganan ni Burdeos mao nga kay temporaryo ra man ang pagkabakante sa puwesto sa mga hingtungdang opisyal sa barangay, dili ang mayor maoy makatudlo og hulip kanila.
Ang Section 45 sa Local Government Code naglatid nga sa higayon nga adunay permanente nga pagkabakante sa puwesto, ang mayor maoy motudlo og hulip. Matud ni Burdeos nga ang iyang baruganan mao nga ang presidente, pinaagi sa DILG Secretary, maoy may katungod sa pagtudlo og hulip sa mga masuspensong opisyal. Rene U. Borromeo (BANAT NEWS)
- Latest