9-anyos pisak sa killer truck

NORTH COTABATO, Philippines - Maagang sinalubong ni kamatayan ang isang 9-anyos na totoy makaraang magulungan ng owner-type jeep na may nakakabit na trailer sa Barangay Rotonda, Koronadal City, sa South Cotabato kahapon ng umaga. Idineklarang patay sa ospital ang biktimang si Roldan Paul Ongga habang nakipag-usap na ang 37-anyos na driver ng jeep na si Randy Dela Torrew Catupay sa pamilya ng biktima para sa settlement. Sa pahayag ni SPO2 Ariel Falcis, lumitaw na sinaway umano ni Catupay ang limang kabataan kasama na ang biktima na si Ongga na naglalaro sa sasakyan nito. Gayunman, nagtalunan ang mga kabataan mula sa nasabing sasakyan kung saan natalisod naman si Ongga at natumba kaya nagulungan ng sasakyan ang ulo ng bata.