MMDA pumalag sa Grab
MANILA, Philippines — Pumalag ang Metropolitan Manila Development Authority (MMDA) sa naging pahayag ng Grab Philippines na lalung sumama ang daloy ng trapiko sa Kalakhang Maynila.
Sinabi ng tagapagsalita ng MMDA na si Celine Pialago, kung tutuusin aniya ay nakadagdag din sa pagsisi-kip ng daloy ng trapiko sa Metro Manila ang transport network companies (TNCs) tulad ng Grab Philippines.
Ayon kay Pialago, base sa datus, nasa 6,000 kapasidad ng behikulo ang bumabagtas sa EDSA kada oras, na sa ngayon aniya ay tumaas na ang bilang nito, na 7,500 kada oras.
Sabi ni Pialago na huwag aniyang sisisihin ang MMDA sa trapik na nararanasan sa Metro Manila dahil ginagawa umano nila ang lahat para lamang ito masolusyunan sa pamamagitan ng mga programang pinatutupad nito.
Ang naging reaksyon ng MMDA ay bunsod sa naging pahayag ng Grab Philippines na mas lalu aniyang sumama ang daloy ng trapiko sa Metro Manila kahit aniya hindi sila nagdagdag ng mga sasakyan nitong nakaraang anim na buwan.
- Latest