Pagpapaliban ng Brgy., SK elections dahil sa narco-politics
MANILA, Philippines — Naniniwala si Manila Mayor Joseph Estrada na narco-politics ang dahilan ng pagpapaliban ng Brgy. at Sangguniang Kabataan elections.
Ayon kay Estrada, posibleng iniiwas lamang ng pamahalaan na magamit ang mga tumatakbo sa barangay at mga kabataan sa anumang impluwensiya ng bentahan ng droga.
Ani Estrada, malaking pondo mula sa iligal na droga ang maaaring ibigay ng mga sindikato sa mga kandidato para sa kanilang kampanya.
Mapalad na lamang ang Maynila at walang barangay captain ang sangkot sa bentahan ng droga.
Wala ring natatanggap na report ang MPD, na may mga laboratoryo ng droga sa lungsod.
Mahigpit ang kampanya ng Manila Police District laban sa iligal na droga kung saan pinaiigting pa ang ‘Oplan Galugad’.
Giit ni Estrada ang narcopolitics ang nais na matanggal ng Pangulong Duterte lalo pa’t kilala ito na galit sa droga.
- Latest
