2 nasa drug list dedo sa Navotas
MANILA, Philippines - Dalawa pang lalaki na nasa drug list ng pulisya ang kap-wa nasawi sa magkahiwalay na insidente sa Navotas City.
Nakilala ang mga nasawi na sina Rodzon Enriquez, alyas Mata, nakatala bilang no. 4 sa drug personalities, at residente ng Market 3, Brgy. North Bay Boulevard North; at si Jonathan Lazaro, 43, alyas Jojo Sparrow, ng S. Roldan Street, Bagong Kalsada, Brgy. Tangos, ng naturang lungsod.
Sa ulat ng Navotas City Police, nagsagawa ng buy bust operation ang Station Anti-Illegal Drugs unit dakong alas-2 kahapon ng madaling araw sa Market 3 upang malambat si Enriquez. Agad umanong nakahalata si Enriquez at unang paputukan ang mga pulis.
Gumanti naman ang mga alagad ng batas na nagresulta sa pagkakapaslang sa suspek.
Dakong alas-10:30 naman ng gabi, nakatayong mag-isa sa isang bakanteng lote si Lazaro na tila may hinihintay nang sumulpot ang nag-iisang gunman at walang habas na pagbabarilin ito at mapatay.
- Latest
