Presyo ng LPG tumaas

MANILA, Philippines – Nagpatupad ngayong­ araw  na ito (Mayo 1) nang pag­taas sa presyo ng kani­lang liquified petroleum gas (LPG) ang ilang kom­panya ng langis. Ang pagtaas ay pinangunahan ng Petron, na nag-epektibo ngayong alas-6:00 ng umaga.

Sa abiso kahapon ng Petron, tumaas ng P1.55 kada kilogram ang kanilang LPG o gas na ginagamit na panluto, samantalang tumaas na­man ng P0.90 kada litro ang kanilang Auto LPG o na ginagamit  naman sa mga sasakyan.

Ayon sa Petron, ang pagtaas ng presyo ng kanilang LPG ay bunsod ng paggalaw ng presyo nito sa pagdaig­digang pamilihan.

Inaasahang magpapatupad na rin ng pagtaas ang iba pang kompanya ng la­ngis na may kahalintulad na halaga.