10 NPA terrorists, sumuko

MANILA, Philippines — Boluntaryong sumuko sa mga awtoridad ang  sampung teroristang New People’s Army (NPA) sa Silio Lee, Barangay Midtungok sa bayan ng Senador Ninoy Aquino, Sultan Kudarat kamakalawa ng hapon. Batay sa ulat ng pulisya, dakong alauna ng hapon nang magsisuko ang mga terorista na mga kasapi ng Guerilla Front 73, Cherry Mobile Platoon sa ilalim ni Commander Mac-Mac.

 Isinuko rin ang kanilang mga armas na kargado ng mga bala. Nabatid na ang mga terorista ay nagdesisyong sumuko sa tulong ni Chairman Mamerto Parong ng nasabing barangay. Inamin naman ng mga sumukong terorista na nagdesisyon silang magbalik-loob sa pamahalaan matapos na mapagtantong mali ang ideolohiyang kanilang ipinaglalaban.