Dalaga ni-rape slay ng adik
MANILA, Philippines — Brutal na kamatayan ang sinapit ng 21-anyos na dalaga matapos itong halayin ay pinagtataga pa ng hindi kilalang lalaki na sinasabing bangag sa droga sa Escalante City, Negros Occidental, ayon sa ulat kahapon.
Kinilala ni P/Supt. Gilbert Gorero, police regional spokesman ang biktima na si Rena Pantallion ng nasabing lungsod.
Bandang alas- 11:55 ng umaga noong Huwebes nang madiskubre ang bangkay ng dalaga sa gitna ng tubuhan sa Sitio Liki, Barangay Balintawak sa nabanggit na lungsod.
Sa pahayag ng kapatid na lalaki ng biktima na si Jason Pantallion, nabigong makauwi kamakalawa ng gabi ang biktima kaya hinanap nila ito ng kaniyang pamilya, kamag-anak at mga kaibigan.
Gayunman, laking gulat nila nang mapagawi sa tubuhan ay makita ang duguang bangkay ng biktima na may mga taga sa iba’t ibang bahagi ng katawan.
Samantala, nagkalat naman ang dugo sa lugar na iprinoseso ng mga tauhan ng Scene of the Crime Operatives (SOCO) ng pulisya.
- Latest