Trike vs jeepney: Misis utas, mag-ama grabe

QUEZON , Philippines  —  Hindi na umabot ng buhay sa ospital ang 26-anyos na misis habang malubha naman ang kanyang mag-ama matapos na bumangga ang kanilang traysikel sa pampasaherong jeepney sa kahabaaan ng kalsada na Barangay Ibabang Kinagunan, bayan ng Agdangan, Quezon kamakalawa ng gabi. Napuruhan sa ulo si Jovie Bonjoc habang ginagamot sa Unisan Medicare Hospital ang mag-amang sina Zamora Luyas, 35; at Miguel Luyas, 6, mga residente ng Barangay Silangang Maligaya. Base sa ulat, patungo sa kabayanan ang mga biktima nang sumadsad ang traysikel sa tambak ng lupa sa gilid ng kalsada. Nagpagewang gewang ang trike saka tuluyang bumangga sa kasalubong na jeepney (DXA-634) ni Russel Garcia ng Barangay Poblacion. Bagama’t walang kinalaman sa aksidente ang driver ng jeepney ay nahaharap pa rin ito sa mga kasong  kriminal.