Bike vs bike: Rider tigok, 2 sugatan

TUGUEGARAO CITY, Cagayan, Philippines — Bulagta ang 19-anyos na rider makaraang makipagsalpukan ang kanyang motorsiklo sa kasalubong na motorsiklo habang patungo sa tradisiyonal na Simbang Gabi sa Barangay Simbaluca, bayan ng Sta. Teresita, Cagayan noong Linggo ng madaling araw. Ayon kay P/Senior Insp. Aleeh Bacuyag, hepe ng Sta.Teresita police station, walang headlights ang motorsiklo ni Ritzel Amistad kaya hindi napansin ni Michael Coloma, 22,  sa gitna ng ambon at makapal na hamog dakong alas-4 ng madaling araw. Kasama ng dalawang drayber na isinugod sa Alfonso Ponce Enrile Memorial District Hospital ang kaangkas ni Amistad na si Larry Retuta. Gayunman, idineklarang patay si Amistad nang mairating ng mga sumaklolo sa nasabing ospital.