Senglot grinipuhan dahil sa pulutan
TUGUEGARAO CITY, Cagayan, Philippines — Kritikal ang 22-anyos na mister matapos itong saksakin ng kanyang kababayan kainuman dahil sa pulutan sa idinaos na kasalan sa Barangay Simimbaan, bayan ng Roxas, Isabela noong Linggo ng madaling araw. ?Kinilala SPO3 Antonio Sabado Jr. ang biktima na si Amorsolo Mana-a Jr. habang ang suspek na tumakas matapos ang insidente ay nakilalang si Arjun de Guzman, kapwa nakatira sa bayan ng Paracelis, Mt. Province. Pinaniniwalaang nag-ugat ang pagtatalo ng dalawang bisita sa kasalan matapos sitahin ng biktima ang pagiging masiba ng suspek sa pulutan. Dahil sa gulo ay nagsitakbuhan ang mga nabulabog na bisita sa magdamagang sayawan matapos saksakin ng suspek ang biktima na isinugod sa Cagayan Valley Medical Center.
- Latest