15-anyos dedo sa killer van

QUEZON, Philippines — Patay ang 15-anyos na binatilyo makaraang bumangga ang sinakyang motorsiklo sa bisinidad ng intersection sa Maharlika Highway at bypass road sa Barangay Mangilag Sur sa bayan ng Candelaria, Quezon kamakalawa ng hapon. Kinilala ang namatay na si Renmark Perena ng Barangay Manggalang Kiling, Sariaya, Quezon habang naka-confine naman sa ospital ang driver ng motorsiklong inaangkasan nito na si Jeffrey de Villa. Sa ulat ng pulisya, magkaangkas sa motorsiklo sina de Villa at Perena nang makasalpukan ang Manila bound na aluminum van na minamaneho ni Michael Palma ng Surigao del Sur. Nasa custody ng municipal police station ang driver ng van at nahaharap sa kasong reckless imprudence resulting in homicide and physical injury.