Mag-ama inutas habang naghahapunan

NORTH COTABATO, Philippines — Patay ang mag-ama matapos silang ratratin habang naghahapunan sa kanilang bahay sa Sitio Highway Boulevard, Brgy. Landasan bayan ng Parang sa lalawigan ng Maguindanao.

Sa ospital na binawian nang buhay ang mag-amang sina Macario Danglod 37, at anak na si Mark Jonel, 8 anyos.

Sa report ng Parang Police, habang kumakain ang mag-ama sa loob ng kanilang tahanan sa sitio Highway Boulevard, Brgy. Landasan bayan ng Parang nang pasukin at pagbabarilin ng ‘di pa nakilalang mga suspek.

Sumailalim sa operasyon ang mag-ama sa Cotabato Regional and Medical Center sa Cotabato City subalit pumanaw din.