Binatilyo hulog sa imburnal, tigok
MANILA, Philippines — Patay ang isang 15-anyos na binatilyo makaraang mahulog sa imburnal sa Malangas, Zamboanga Sibugay kamakalawa.
Kinilala ang biktima na si Ariel Villaronte, Grade 9 student ng Diplahan National High School at residente ng Tipanoy, Iligan City.
Sa ulat ng Police Regional Office (PRO) 9, naitala ang insidente sa Brgy. La Dicha, Malangas ng lalawigan dakong alas-5 ng hapon.
Ayon sa imbestigasyon, kasalukuyang naglalakad sa lugar ang binatilyo nang mahulog sa imburnal kung saan tinangay ng malakas na agos ng baha sa ilog sa Sitio Kahayagan ng nasabing lugar.
Narekober naman ang bangkay ng biktima bandang alas-8 ng gabi ng search and rescue team matapos itong sumabit sa puno sa tabing ilog sa gitna na rin ng pagbaha sa lugar. Itinurn-over na ng rescue team sa kanyang pamilya ang bangkay ng nasabing binatilyo.
- Latest