Negosyante patay sa duwelo
MANILA, Philippines — Pinabulagta sa harapan ng kaniyang mag-ina ang 35-anyos na negosyanteng Indian habang nasa kritikal namang kalagayan ang mister na naka-duwelo nito sa barilan sa Barangay Granada, Bacolod City noong Lunes ng gabi.
Kinilala ang napatay na si Sulakhan Singh ng Block 28 Lot 5 Stone Haven sa nasabing barangay.
Patuloy namang ginagamot sa pagamutan ang nakabarilan na si Bertito Gersaba, 59, ng Purok 3 ng nabanggit na barangay.
Sa ulat ni P/Supt. Gilbert Gorero, police regional spokesman na naisumite sa Camp Crame, nangongolekta ng bayad sa pautang ang biktima kasama ang kanyang mag-ina nang makasalubong ang suspek kung saan nagkatinginan ang mga ito nang masama.
Habang tumutulong ang misis ng biktima sa pangongolekta sa mga pautang sa mga residente ay bigla na lamang sinundan ng suspek ang misis bagay na ikinagalit ng trader.
Sa puntong ito ay kapwa bumunot ng baril ang dalawa at nagbarilan kung saan napuruhan ang biktima.
Naisugod naman sa pagamutan ang dalawa pero idineklara ang negosyante habang nasa kritikal namang kondisyon ang nakabarilan nitong mister.
- Latest