2 obrero patay sa landslide
MANILA, Philippines — Nalibing nang buhay ang dalawang obrero makaraang gumuho ang lupa sa construction site sa elementary school sa bayan ng Lavezares, Northern Samar noong Miyerkules ng hapon. Sa ulat ng pulisya na nakarating sa Camp Crame, kinilala ang mga biktima na sina Joneel Nabor at Elmer Abayon, mga residente ng Barangay Kalabog, bayan ng Victoria. Bandang alas – 2 ng hapon nang magka-landslide sa construction site sa Libas Elementary School. Ayon sa imbestigasyon, abala sa pagtratrabaho sa construction site ang dalawa nang bigla na lamang maguhuan ng lupa mula sa bundok. Samantala, narekober naman ang nababalutan ng putik na bangkay ng mga biktima makalipas ang ilang oras makaraang rumesponde ang search and rescue team.
- Latest